jeshi la polisi lamshikilia mgombea wa ubunge dodoma mjini

Mgombea ubunge dodoma mjini Benson Kigaila Singo

JAMHURI YA MUUNGANO WA TANZANIA

WIZARA YA MAMBO YA NDANI YA NCHI

JESHI LA POLISI TANZANIA

 

      

YAH: TAARIFA YA JESHI LA POLISI MKOA WA DODOMA KWA

VYOMBO VYA HABARI TAREHE 26/09/2015

Jeshi la Polisi mkoa wa Dodoma linamshikilia Mgombea wa Ubunge kwa tiketi ya Chadema BENSON KIGAILI SINGO na wenzake kumi (10) kwa tuhuma za KUFANYA MAANDAMANO BILA KIBALI NA KUZUIA WATUMIAJI WENGINE wa  BARABARA KUSHINDWA KUENDELEA NA SHUGHULI ZAO, KUMSHAMBULIA ASKARI,KUFANYA FUJO KITUONI NA KUTUKANA ASKARI.

Matukio hayo yalitokea majira ya saa 18:45 katika barabara ya Jamatini na Kituo Kikuu cha Polisi baada ya Mgombea huyo kumaliza mkutano wake wa kampeni katika eneo la stendi kuu ya Dodoma.

Pamoja na kupewa maelekezo na askari kuacha maandamno hayo ili watu wengine waweze kuendelea na shughuli zao, walikaidi na kuanza kutoa matusi na kumshambulia askari kwa chupa ya soda jambo ambalo linaonyesha walikuwa wamedhamiria kwa sababu inakuwaje watembee  na chupa tupu za soda. Na kama hiyo haitoshi walipofika kituoni walianza kufanya fujo na kutoa matusi kwa askari.

Watuhumiwa wanaoshiliwa ni wafuatao:-

1.   BENSON KIGAILA SINGO, MIAKA 46, Mkazi wa Ipagala/Kibakwe.

2.   KHADIJA MAULA, MIAKA 40, MFANYABIASHARA WA NKUHUNGU

3.   STELLAH MASSAWE, MIAKA 38, MFANYABIASHARA MKAZI WA AIRPORT

4.   GODFREY CHARLES MANYANYA, MIAKA 29 MWENYEKITI WA VIJANA CHADEMA MKOA WA DODOMA, MKAZI WA AREA ‘E’.

5.   HASHIMU SELEMAN KILAINI, MIAKA 45, MFANYABIASHARA MKAZI WA AIR PORT DODOMA.

6.   ALEX NICHOLAUS THOMAS, MIAKA 28, MFANYABISAHARA MKAZI WA CHAMWINO.

7.   PRISCA BAKARI MGAZA, MIAKA 20, MFANYA BIASHARA MKAZI WA MAKOLE.

8.   LUCKYSON KWEKA, MIAKA 28, MWANAFUNZI, MKAZI WA MAILI MBILI.

9.   AISHA MAKWE URIO, MIAKA 22, MWANAFUNZI MKAZI WA AREA “D”

10.              POMPEY MNYALAPE REMIJO, MIAKA 40, MFANYABIASHARA MKAZI WA AREA “C”.

11.              LAWI NGA’MBIE TUMUZA, MIAKA 52, MPIGAPICHA MKAZI WA AREA “E”.

Askari aliyeshambuliwa alipelekwa General Hospital kwa matibabu.

Nitoe wito tena kwa Wagombea wa Vyama vyote na wananchi wa Dodoma kwa ujumla watii sheria bila shuruti kwani umaarufu hautafutwi kwa kuvunja sheria na watambue kufanya hivyo ni kosa la jinai. Watambue hakuna haki isiyokuwa na wajibu.

Pia wanapokwenda na kutoka kwenye mikutano waache kufanya maandamano na hata watumiapo barabara wazingitie sheria za usalama barabarani ili watu wengine waweze kuendelea na shughuli zao bila bughudha au vitisho.

Aidha zipo taarifa kuwa kuna baadhi ya Wanachama na wafuasi wa Chadema wanapita sehemu mbalimbali wanahamasisha watu kwenda Kituo Kikuu cha Polisi kushinikiza waliokamatwa waachiliwe kabla ya taratibu za kisheria hazijakamilishwa. Watambue atakayefanya hivyo ajue atakabiliwa vilivyo na mkono wa sheria.

Jeshi la Polisi Mkoa wa Dodoma litaendelea kuwachukulia hatua kali kwa mujibu wa sheria wale wote watakaokiuka sheria bila kujali ana wadhifa gani.

Imetolewa na Kamanda wa Polisi Mkoa wa Dodoma Kamishina Msaidizi Mwandamizi wa Polisi MISIME D.A (SACP). 

source:http://mrokim.blogspot.com/2015/09/polisi-dodoma-yashikilia-10-akiwemo.html